/إيه الصفات اللى بتحبيها فى نفسك؟؟
مممممم ايه السؤال ده معرفشى انا !!!!!!
يمكن بحب مثلا صراحتى الزيادة عن اللزوم اللى دايما بتبوظ الدنيا مع الناس فى ناس ممكن تشوفيها عيب بس انا حباها
4/إزاى بتقدرى تحكمى على الشخص اللى قدامك؟؟
بصفه عامه مبحبش احكم على حد اساسا غير لو اضطرتنى الظروف
بس تقدر تقول باخد انطباعات لا اكثر وقابله للتغير من المواقف الحياتية بقى
5/مين بيحللك مشاكلك؟؟؟
الحمد لله اعتقد لغايه دلوقتى بمرت بمشكل حقيقه محتاجه حد يحلها بس هو لو فى حاجه مضايقانى بكلم مع اصحابى
ولو عايزه نصيحه باخدها من بابا او ماما او اى شخص مر بنفس الحاجه
6/بتحبى ماما ولا بابا أكتر؟؟واحد بس
ماما طبعااااااا
7/إيه الصفات اللى خدتيها من باباكى ومامتك كلا على حده؟؟
ماما تقريبا واخدها منها حاجات كتير بالرغم انى مش حاسه بالحكايه دى بس اى حد من قرايبنا بيكلم معايا كلمتين يقولى انتى نسخه من مامتك فى طريقه الكلام والتعليق والقفشات والهزار
ويمكن واخده من ماما الطيبه الى حدا ما (مش طيبه زيها بالظبط فى حته شر من بابا) بس اللى هوا ممكن اصدق اى حاجه بسرعه وده دايما كنت بقوله لماما انو عيب فيها واكتشفت حاليا انو اصبح وراثه
بابا بقى خدت منو العند والدماغ الناشفه ((مش عارفه ليه كل الرجاله كده))وانا وابويا نائر ونئير على طول فى البيت ودايما يقولى ((هو انتى فاكرة نفسك مرااااااااااااااتى !!!!))
ويمكن العيله كلها عارفه علاقتنا دى وبيشاهدوا كمية المناكفه والرد كلمة بكلمة دى
ويمكن خدت منو حب المعرفه اللى حدا ما مع شويه فضول رخم كده يعنى انا معظم هواياتى واخداها منو وهو مصدر المعلومات الموثق فيه بالنسبه لى بالرغم من اننا عمرنا ما اتفقنا على وجهه نظر
وخدت منو بقى بالذات مش بالوراثه بالاكتساب الامانه الشديده لانى من صغرى نشأت على ان ابويا ده مستودع اسرار ومقتنيات وممتلكات معظم افراد العيله سواء قرايبو او اقارب ماما او حتى الجيران ودى حاجه اثرت فيا من صغرى لغايه دلوقتى
ويمكن كمان خدت حته طووووله البال منو اللى هوا اتقى شر الحليم اذا غضب
هااااااااااااادى هااااااااااااادى وبعدين مره واحده بوووم
الى حدا ما فيا بس مش بنفس الدرجه طبعا
8/يعنى إيه أخ بالنسبالك ويعنى إيه أختك؟؟؟"أقصد اللى فى البيت ليكى؟؟
انا عندى اخ واحد واخت واحده وانا الصغيره اللى فيهم
اخويا مش عارفه ليه من ساعه ما كبرنا ومبقيناش نكلم مع بعض كتير يعنى يمكن عشان هو اغلب الوقت مش فالبيت فعلاقتى بيه مش قويه اوى
اختى برضو من ساعه اما اتخرجت واشتغلت واحنا مبقيناش نمقربين اوى وكل واحد مشغول مع نفسو بقى
يعنى يمكن ماما اللى اكتر واحده فاضيلى وبعتبرها اختى او بنتى !!!
10/مواصفات فتى أحلامك؟؟وايه الصفات اللى ممكن تتنازلى عنها فيه؟؟
والله ما انا فاكرة كل اما احط مواصفات بغيرها تانى لانى عارفه انو فى الاخر ممكن يطلع واحد عكس كل الموصفات دى
يعنى باختصار __ذكى-مرح-مجنون ولاسع بعض الشىء عشان مبحبش العاقلين اوى ولا الاسعين اوى مناكف يعنى بمعنى اصح_صريح-شريف مش عارف ليه مبلاقيش كلمة شريف دى فى مواصفات اى حد مع انها عملة نادره
كريم_حنون_شخصيه قويه وميكنش ابن ماماته وسلبى_غيـــــــــــــــر مدخن _وبما ان كل الصفات الكويسه معناها تدين بتستفزنى اللى يقول متدين ويسكت
الصفات الى ممكن اتنازل ممممممممممم
تقصد صفات ولا مميزات
اصل لو على المميزات ممكن الامو الماديه الواحد يتنازل فيها عادى
ولو قصدك صفات شخصيه
فى صفات كتير انا مش كتباها فى اللى انا عايزاه يعنى مش مهمه اوى بالدرجه
الأربعاء مايو 25, 2011 7:10 am
