اية ده هى اللعبة دى باسئلة !!!!!!!!!!! مش تقولو ياجدعان قبل ما الواحد يدبس نفسو
عمتا هجاوب وامرى لله
1/إسمك إيه ياأميرة؟؟؟ كليتك ؟؟وقسمك؟؟؟أميرة أحمد حسين,كلية تجارة جامعه عين شمس,قسم انجليزى ,وشعبه محاسبة كماااان
2/إيه هواياتك؟؟وهل بتمارسيها لغاية دلوقتى ولا لأ؟؟يووووووووه الهوايات فكرتنى بالذى مضى
اقول ايه ولا ايه ولا ايه
هو انا هويت حاجات كتير فى منهم اللى استمر معايا وفى اللى راح فى الوبا وفى اللى ساعه يروح وساعه يجى
يعنى اعتقد من الحاجات الى استمرت معايا هى القراءه بس مش بنفس القدر طبعا زى زمان وعشان السؤال اللى بعدو ميبقاش بتقرى لمين وايه ولية والحاجات دى انا هقول لوحدى من غير ضرب
انا بحب اقرا اى حاجه اسلوب كتابتها يشدنى ويستفزنى فى نفس الوقت واحس انى استفدت حاجه منها مش تضيع وقت وخلاص
يعنى روايات دان براون هى عشقى الاول والاخير طبعا رغم انها مش كتير الا انى ممكن اقرى نفس الروايه الطويلة العريضه اكتر من مره من غير ما ازهق,,,,وطبعا الجرائد والمقالات دى سكة تانيه خالص نبقى دخلنا فى بلال فضل بقى وجلال عامر وابراهيم عيسى والناس دى
بس هو عمتا اى جرنال بيقع فى ايدى لازم افصصو حته حته عدا صفحه الرياضه صراحه محبهاش
وكتب مصطفى محمود طبعا لا يعلا عليها ومره حاولت اقرا ل اجاثا كريستى وتوفيق الحكيم والناس دى بس لقيتهم كلهم افلام عربى طبعا محبتهمش
وطبعا نصيب الاسد فى القرايه كان منذ الطفوووله حتى الان لميــــــــــــــــــــكى وفلاش وسماش وصرخه الرعب يعنى لازم تلاقى حاجه منهم على الكوميدينو الى جنبى قبل ما انام,,,ومحبتنش لا سمير ولا ماجد ولا بلبل ولارجل المستحيل ولا المغامرون الخمسه مش عارفه ليه !!!!!!!!!
وبكده خلصنا القرايه
نيجى للرسم
الرسم برضو بدء منذ الصغر بس مش عارفه ليه مكملش معايا
يعنى من ساعات اما دخلت اجامعه اعمالى الفنيه اصبحت تقتصر على الرسم بتاع السرحان فى المحاضرات ده
زمان كنت بحبببببببو جدا ويبقى عندى امتحان بكره واللوحه مخلصتش انفض للمذاكره واقوم ارسم ومصر كلها تتخانق معايا وصراعات بقى والبقاء للاقوى وللاسف طلعوا هوما الاقوى
الكتابة
زماااااااان برضو كنت بكتب حلو اوى وبحب موضوع التعبير جداااااااااااا وكنت ببتدى بيه فى الامتحان وماما كانت بتوصى المراقب عليا انو يفكرنى ان فى اسئلة تانيه لازم تتجاوب
وكنت بكتب فى مجلة الحائط وكده بس مقالات طبعا ملييش انا فى الخواطر والجو ده
بس هى هوايه مراحتش مع اللى راحو اوى اهو احنا عندنا مجله فى الكلية وفين وفين لما أتحفهم بموضوع ولا حاجه ,بس هو انا حاسه ان الكلية بوظت لى العربى بتاعى شويه يعنى زمان كنت بكتب بالفصحى دلوقتى بقى ربك حليم ستار
وبحب المطبخ برضو بس بكرة غسيل المواعين اوووى
وده بالنسبة للى فكراه حاليا
4/إحكيلنا دخلتى كليتك إزاى؟؟احكى ومحكيئش ليه هو انا هخاف!!!
بص ياسيدى
انا فى تانيه ثانوى كنت علمى علوم طبعا
وجبت مجموع يندى له مش الجبين بس لا دى كل حته !!!
85% وشويه فكة
حولنا علمى رياضه وانا مش عارفه يعنى ايه الى ممكن يحصل بس هو قلت استحااااالة اروح ادبى واحفظ تاريخ وفلسفه وكلام من ده وتوكلنا عى الله وقلت اللى يحصل يحصل
فى تالته ثانوى بقى ربنا كرمنا اخر كرم
وجبت 96% وشويه فكة برضو
نحط الاتنين على بعض يعملو لنا 90%ونفس شوية الفكة
خدتهم وحمدت وربنا وقلت اييييييييييه بقى اعمل بيهم ايه ؟؟!!
كان ادامى كلية علوم وتربيه واداب وتجاره وحاسبات باين بس كانت مش فى القاهره حاجه كده اخر الدنيا
بس خد المفجأة بقى
انا شخصيا كان نفسى اخش زراعه !!!!!!!!!
متسئلنيش ليه
بس هو كده
كانت مستهويانى الفكرة بقى
بس الحمد لله خدت كمية تريقه من كميه بشر متعرفش جم منييييييييييين
بس ساعتها مكنتش اعرف ان زراعه فى منها قسمين واحد لعلمى علوم وواحد لعلمى رياضه
وبتاع علمى رياضه كلو ماكينات بقى وجرارات وكلام من ده يعنى تخصص رجالى فقلت بلاش بقى لحسن الاخوة الرجالة يزعلو
وعملت التنسيق بقى
وكنا اول سنه يتطبق عليها التنسيق الالكترونى (((مش اى حد يعنى)))وقلت بقى اللى يجى يجى
وجت كلية التجارة
ورحت بقى قدمت على قسم الانجليزى عشان ابقى ((تجارة انكلش)) وسبحان الله من عند ربنا بقى
السنه بتاعتى برضو فتحوا خط الانتاج بتاع قسم انجليزى وخدوا ناس كتير
فقلت لا بقى دى مكتوبالى والخيره فيما اختاره الله
بسسسسسس
وقد كان
5/سبب إختيارك للنيك نيم بتاعك؟؟والصوره الرمزيه كمان؟؟أميرة لان اسمى أميرة وبعتز بيه جدااا وانا اصلا كمان مبحبش جو النك نيم ده تلاقى حماده الروش والواد الجن والفرعون العبيط
بيستفزوووووونى
واسم الواحد مننا اكتر حاجه تعبر عنو
الصورة الرمزيه
اصلى بحب البناتيت الصغيره وخصوصا اللمضين مبحبش البنات البريئة والرقيقه اووووى دول
لازم تفضل تناكف فيك لحد اما تزهقق
طفووووولة مشردة
وكفايه بقى كده دا انت رغاااى اوى
وبعدين دلوقتى انا مش عارفه ينفع اعد انا كمان عشان اخلص بسرعه ولا ايه
بس احتياطى
22222222222222222